رسالة من أم تعيش في دار المسنين إلى ولدها

تنثر كل أحزانها بصوت الامومة لولدها
الذي رماها وتركها من أجل خاطر زوجتة التي رفضت العيش مع أمة...؟؟
وتمر ثلاث سنوات ولم ترى فلذة كبدها ولو مرة واااحدة فكتبت هذة القصيدة له ..

يامسندي قلبي على الدوم يطريك - ماغبـت عنـي وطيفـك سمايـا
هذي ثلاث سنين والعيـن تبكيـك - ماشفت زولك زايرآ يـا ضنايـا
تذكر حياتي يوم أشيلك وأداريـك - والاعبك دايـم وتمشـي ورايـا
ترقد على صوتي حضني يدفيـك - ماغيرك أحدآ ساكنن في حشايـا
وليا مرضت أسهر بقربك وداريك - ماذوق طعم النوم صبح ومسايـا
ياما عطيتك من حناني وبعطيـك - تكبر وتكبـر بالامـل يـا منايـا
لكن خسارة بعتني اليوم وشفيـك - وأخلصت للزوجة وأنا لي شقايـا
أنا أدري أنها قاسية مـا تخليـك - قالت عجوزك وما أبيهـا معايـا
خليتني وسط المصحة وأنا أرجيك - هذا جزا المعروف وهذا جزايـا
ياليتنـي خدااامـةً بيـن أياديـك - من شأن أشوفك كل يوم برضايـا
مشكور ياوليدي وتشكر مساعيـك - وأدعـي لـك دايمـآ بالهـدايـا
حمدان يا حمدان أمـك توصيـك - أخاف ماتلحق تشـوف الوصايـا
أوصيت دكتور المصحة بيعطيـك - رسالتـي وحروفهـا مـن بكايـا
وأن مت لاتبخل علـي بدعاويـك - وأطلب لي الغفران وهذا رجايـا