رفعت كفي ماقدرت أرفع الصوت

رفعت كفي ماقدرت أرفع الصوت
لو كان في الخاطر كلام كتمته
لحظة وداع وكنها سكرة الموت
ضاع الطريق اللي من أول رسمته
ضاع الطريق وصرت في الدرب مبهوت
مدري وش اللي فاتني ماأغتنمته
العمر مر وراح مع فايت الفوت
صحيح ضعت وضاع حلم حلمته
إلا أنت ياللي قربك لروحي القوت
لو غبت يبقى وسمك اللي وسمته
يبقى كما نقش على الصخر منحوت
حفظته بشكله ولونه وسمته
مهما الفراق أوجاع والبعد ممقوت
أصبح مصير من غلاك احترمته
دمع النصر لو طاح من عين جالوت
عين العقل دمع تكنه حشمته
ذخرت لك يافرحة العمر تابوت
فيه الغرام اللي بديته ختمته
يبقى الغصن لومابقي فالغصن توت
تحرك أنسام المحبه بصمته
سكت وانا من مواديعك مكبوت
شي تجاهلته وشي فهمته
حبل الرجاء من جور الأيام مفلوت
ياليت قلبي عن غرامك عصمته
ياما بنيت بيوت وبيوت وبيوت
اليوم كم بيت بنيته هدم من الهزيمة

حلفت اقطف لك الغيمه من اغصان السماء لرضاك

واجي واعصر لك مزون الغلا وابل لك الريق

مع ان الغيم من شافك تحت ظله بدا يضماك

شف نجوم السماء لا من غفت عينك عليك اتويق

تعال اعلمك كيف القصايد تحتري لقياك

تعال انسولف بقصة هواك ورحلةالتشويق

كتبت الشعر لجل ارضي شعورداخلي ماجاك

وجاك وما كسبت الا الوله مع ضجة التصفيق

غمض واركب احلامك وشفني محتريك هناك

لعل الحلم يجمعنا واضمك من قبل لا تفيق

طموحي بالحياه اكبر من المعقول والادراك

وانت اكبر طموحاتي وحلم يرفض التحقيق

انا وقلبي ولو بغيت القاك ؟ ماالقاك

‌أ‌أ. اول من بتلقى لو الدنيا عليك اتضيق

روح بدنيتك كانك..سليت ونستك دنياك

حبيبي شالك بقلبه-كماشال الرياض طويق

عزمتك داخل ضلـوع ٍ .. تصافـق من غــلا .. و حيــّـاك
تعال .. إختـر مـن اعماقـي مكـان .. و خابـرك ( ذوّيـق)

تعال إلعب علـى روحـي .. تمـون و مـاحـد ٍ ينهـاك
تعال .. ( إعرج ) على عيني وانا بكـون لـك ( صدّيـق )

ترى هالشـوق ضـج ّ بداخلـي و اهتـز ّ .. مـن ذكـراك
مثـل مـا زاد .. دهـن العـود .. طيبـه كثـرة التعتـيـق

تعبـت آعاتـب احسـاس ٍ .. بقلبـك مـا قــدر ينـهـاك
و تقفي ْ .. و انت غارق في جفاك .. و ساهـي التحديـق

تـروح و تتـرك بدربـك .. خفـوق ٍ للقـى .. يضـمـاك
ياااخي .. ما أبي .. أروى .. انا ابغى بس ( بلّـة ريـق )